شعر کلیات اشعار ترکی شهریار

[fatemeh d]

حیدربابا ، قورى گؤلوْن قازلارى‬ ‫


‫گدیکلرین سازاخ چالان سازلارى‬


‫


‫کَت کؤشنین پاییزلارى ، یازلارى‬


‫


‫بیر سینما پرده سى دیر گؤزوْمده‬


‫


‫تک اوْتوروب ، سئیر ائده رم اؤزوْمده‬

 

[fatemeh d]

حیدربابا ، قره چمن جاداسى‬ ‫


‫چْووشلارین گَلَر سسى ، صداسى‬


‫


‫کربلیا گئدنلرین قاداسى‬


‫


‫دوْشسون بو آج یوْلسوزلارین گؤزوْنه‬


‫


‫تمدّونون اویدوخ یالان سؤزوْنه‬

 

[fatemeh d]

حیدربابا ، شیطان بیزى آزدیریب‬ ‫


‫محبتى اوْرکلردن قازدیریب‬





‫قره گوْنوْن سرنوشتین یازدیریب‬





‫سالیب خلقى بیر-بیرینن جانینا‬


‫


‫باریشیغى بلشدیریب قانینا‬

 

[fatemeh d]

گؤز یاشینا باخان اوْلسا ، قان آخماز‬


‫انسان اوْلان خنجر بئلینه تاخماز‬


‫


‫آمما حئییف کوْر توتدوغون بوراخماز‬


‫


‫بهشتیمیز جهنّم اوْلماقدادیر !‬


‫


‫ذى حجّه میز محرّم اوْلماقدادیر !‬

 

[fatemeh d]

خزان یئلى یارپاخلارى تؤکنده‬


‫بولوت داغدان یئنیب ، کنده چؤکنده‬


‫


‫شیخ الاسلام گؤزل سسین چکنده‬


‫


‫نیسگیللى سؤز اوْرکلره دَیَردى‬





‫آغاشلار دا آللاها باش اَیَردى

 

[fatemeh d]

داشلى بولاخ داش-قومونان دوْلماسین !
‬
‫باخچالارى سارالماسین ، سوْلماسین !‬



‫


‫اوْردان کئچن آتلى سوسوز اولماسین !‬


‫


‫دینه : بولاخ ، خیرون اوْلسون آخارسان‬


‫


‫افقلره خُمار-خُمار باخارسان‬

 

[fatemeh d]

حیدر بابا ، داغین ، داشین ، سره سى‬


‫کهلیک اوْخور ، دالیسیندا فره سى‬





‫قوزولارین آغى ، بوْزى ، قره سى‬


‫


‫بیر گئدیدیم داغ-دره لر اوزونى‬


‫


‫اوْخویئدیم : » چوْبان ، قیتر قوزونى «‬

 

[fatemeh d]

حیدر بابا ، سولى یئرین دوْزوْنده‬

‫بولاخ قئنیر چاى چمنین گؤزونده‬


‫


‫بولاغ اوْتى اوْزَر سویون اوْزوْنده‬


‫


‫گؤزل قوشلار اوْردان گلیب ، گئچللر‬


‫


‫خلوتلیوْب ، بولاخدان سو ایچللر‬

 

[fatemeh d]

بیچین اوْستى ، سونبول بیچن اوْراخلار‬ ‫


‫ایله بیل کى ، زوْلفى دارار داراخلار‬





‫شکارچیلار بیلدیرچینى سوْراخلار‬


‫


‫بیچین چیلر آیرانلارین ایچللر‬


‫


‫بیرهوشلانیب ، سوْننان دوروب ، بیچللر‬

 

[fatemeh d]

حیدربابا ، کندین گوْنى باتاندا‬ ‫


‫اوشاقلارون شامین ئییوب ، یاتاندا‬


‫


‫آى بولوتدان چیخوب ، قاش-گؤز آتاندا‬


‫


‫بیزدن ده بیر سن اوْنلارا قصّه ده‬


‫


‫قصّه میزده چوخلى غم و غصّه ده‬