شعر کلیات اشعار ترکی شهریار

[fatemeh d]

قارى ننه گئجه ناغیل دییَنده‬ ‫


‫کوْلک قالخیب ، قاپ-باجانى دؤیَنده‬


‫


‫قورد گئچینین شنگوْلوْسون یینده‬


‫


‫من قاییدیب ، بیرده اوشاق اوْلئیدیم‬


‫


‫بیر گوْل آچیب ، اوْندان سوْرا سوْلئیدیم‬

 

[fatemeh d]

عمّه جانین بال بلله سین ییه ردیم‬ ‫


‫سوْننان دوروب ، اوْس دوْنومى گییه ردیم‬


‫


‫باخچالاردا تیرینگَنى دییه ردیم‬


‫


‫آى اؤزومى اوْ ازدیرن گوْنلریم !‬





‫آغاج مینیپ ، آت گزدیرن گوْنلریم !‬

 

[fatemeh d]

هَچى خالا چایدا پالتار یوواردى‬ ‫


‫مَمَد صادق داملارینى سوواردى‬


‫


‫هئچ بیلمزدیک داغدى ، داشدى ، دوواردى‬





‫هریان گلدى شیلاغ آتیب ، آشاردیق‬


‫


‫آللاه ، نه خوْش غمسیز-غمسیز یاشاردیق‬

 

[fatemeh d]

شیخ الاسلام مُناجاتى دییه ردى‬ ‫


‫مَشَدرحیم لبّاده نى گییه ردى‬





‫مشْدآجلى بوْز باشلارى ییه ردى‬


‫


‫بیز خوْشودوق خیرات اوْلسون ، توْى‬ ‫اوْلسون‬


‫


‫فرق ائلَمَز ، هر نوْلاجاق ، قوْى اولسون‬

 

[fatemeh d]

ملک نیاز ورندیلین سالاردى‬ ‫


‫آتین چاپوپ قئیقاجیدان چالاردى‬


‫


‫قیرقى تکین گدیک باشین آلاردى‬


‫


‫دوْلائیا قیزلار آچیپ پنجره‬


‫


‫پنجره لرده نه گؤزل منظره !‬

 

[fatemeh d]

حیدربابا ، کندین توْیون توتاندا‬ ‫


‫قیز-گلینلر ، حنا-پیلته ساتاندا‬


‫


‫بیگ گلینه دامنان آلما آتاندا‬





‫منیم ده اوْ قیزلاروندا گؤزوم وار‬


‫


‫عاشیقلارین سازلاریندا سؤزوم وار‬

 

[fatemeh d]

حیدربابا ، بولاخلارین یارپیزى‬ ‫


‫بوْستانلارین گوْل بَسَرى ، قارپیزى‬


‫


‫چرچیلرین آغ ناباتى ، ساققیزى‬


‫


‫ایندى ده وار داماغیمدا ، داد وئرر‬


‫


‫ایتگین گئدن گوْنلریمدن یاد وئرر‬

 

[fatemeh d]

بایرامیدى ، گئجه قوشى اوخوردى‬
‫


‫آداخلى قیز ، بیگ جوْرابى توْخوردى‬


‫


‫هرکس شالین بیر باجادان سوْخوردى‬


‫


‫آى نه گؤزل قایدادى شال ساللاماق !‬


‫


‫بیگ شالینا بایراملیغین باغلاماق !

 

[fatemeh d]

شال ایسته دیم منده ائوده آغلادیم‬



‫بیر شال آلیب ، تئز بئلیمه باغلادیم‬


‫


‫غلام گیله قاشدیم ، شالى ساللادیم‬





‫فاطمه خالا منه جوراب باغلادى‬


‫


‫خان ننه مى یادا سالیب ، آغلادى‬

 

[fatemeh d]

حیدربابا ، میرزَممدین باخچاسى‬ ‫


‫باخچالارین تورشا-شیرین آلچاسى‬


‫


‫گلینلرین دوْزمه لرى ، طاخچاسى‬


‫


‫هى دوْزوْلر گؤزلریمین رفینده‬





‫خیمه وورار خاطره لر صفینده‬