شعر کلیات اشعار ترکی شهریار

[fatemeh d]

۰ ‫قارى ننه اوزاداندا ایشینى‬





‫گوْن بولوتدا اَییرردى تشینى‬





‫قورد قوْجالیب ، چکدیرنده دیشینى‬


‫


‫سوْرى قالخیب ، دوْلائیدان آشاردى‬


‫


‫بایدالارین سوْتى آشیب ، داشاردى‬

 

[fatemeh d]

‫خجّه سلطان عمّه دیشین قیساردى‬





‫ملا باقر عم اوغلى تئز میساردى‬


‫


‫تندیر یانیب ، توْسسى ائوى باساردى‬


‫


‫چایدانیمیز ارسین اوْسته قایناردى‬


‫


‫قوْورقامیز ساج ایچینده اوْیناردى‬

 

[fatemeh d]

‫بوْستان پوْزوب ، گتیرردیک آشاغى‬


‫


‫دوْلدوریردیق ائوده تاختا-طاباغى‬


‫


‫تندیرلرده پیشیرردیک قاباغى‬


‫


‫اؤزوْن ئییوْب ، توخوملارین چیتداردیق‬





‫چوْخ یئمکدن ، لاپ آز قالا چاتداردیق‬

 

[fatemeh d]

‫ورزغان نان آرموت ساتان گلنده‬


‫


‫اوشاقلارین سسى دوْشردى کنده‬





‫بیزده بویاننان ائشیدیب ، بیلنده‬


‫


‫شیللاق آتیب ، بیر قیشقریق سالاردیق‬


‫


‫بوغدا وئریب ، آرموتلاردان آلاردیق‬

 

[fatemeh d]

میرزاتاغى نان گئجه گئتدیک چایا‬


‫من باخیرام سئلده بوْغولموش آیا‬



‫


‫بیردن ایشیق دوْشدى اوْتاى باخچایا‬





‫اى واى دئدیک قورددى ، قئیتدیک قاشدیق


‫


‫هئچ بیلمه دیک نه وقت کوْللوکدن آشدیق‬

 

[fatemeh d]

‫حیدربابا ، آغاجلارون اوجالدى‬





‫آمما حئییف ، جوانلارون قوْجالدى‬





‫توْخلیلارون آریخلییب ، آجالدى‬


‫


‫کؤلگه دؤندى ، گوْن باتدى ، قاش قَرَلدى‬


‬


‫قوردون گؤزى قارانلیقدا بَرَلدى‬

 

[fatemeh d]

ائشیتمیشم یانیر آللاه چیراغى‬


‫


دایر اوْلوب مسجدیزوْن بولاغى‬





‫راحت اوْلوب کندین ائوى ، اوشاغى‬


‫


‫منصورخانین الی-قوْلى وار اوْلسون‬


‫


‫هاردا قالسا ، آللاه اوْنا یار اوْلسون‬

 

[fatemeh d]

‫حیدربابا ، ملا ابراهیم وار ، یا یوْخ ؟‬


‫


‫مکتب آچار ، اوْخور اوشاقلار ، یا یوْخ ؟‬


‫


‫خرمن اوْستى مکتبى باغلار ، یا یوْخ ؟‬


‫


‫مندن آخوندا یتیررسن سلام‬


‫


‫ادبلى بیر سلامِ مالاکلام‬

 

[fatemeh d]

‫خجّه سلطان عمّه گئدیب تبریزه‬


‫


‫آمما ، نه تبریز ، کى گلممیر بیزه‬




‫بالام ، دورون قوْیاخ گئداخ ائممیزه‬


‫


‫آقا اؤلدى ، تو فاقیمیز داغیلدى‬





‫قوْیون اوْلان ، یاد گئدوْبَن ساغیلدى‬

 

[fatemeh d]

‫حیدربابا ، دوْنیا یالان دوْنیادى‬


‫


‫سلیماننان ، نوحدان قالان دوْنیادى‬


‫


‫اوغول دوْغان ، درده سالان دوْنیادى‬


‫


‫هر کیمسَیه هر نه وئریب ، آلیبدى‬


‫


‫افلاطوننان بیر قورى آد قالیبدى‬