شعر کلیات اشعار ترکی شهریار

[fatemeh d]

كيم قالدي كه، بيزه بوغون بورمادي،

آلتدان – آلتدان بيزه كلك قورمادي،

بير مرد اوغوال بيزه هاوار درمادي،

شيطانلاري قوجا قلاييب، گزديز سيز،

انسانلاري آيا قلاييب ازديز سيز.​

 

[fatemeh d]

ديوار اوجالدي ، گون بيزه دوشمه دي،

زندان قرالدي، گوزوسئچمه دي ،

گوندوز گوزي منيم لامپام كئچمه دي ،

سئلده باسدي، امميزدولوب گول اولدي،

چوخ يازيغين ائوي چونوب چول اولدي.​

 

[fatemeh d]

اول باشي مندن استقبال ائتديز،

سوندان چونوب ايشميده اخلال ائتديز،

ئوز ظنيزجه استادي اغفال ائتديز،

عيبي يوخدير، كئچر گئدر، عمردور،

قيش دا چيخار، اوزوقارا كومور دور.​

 

[fatemeh d]

منيم يولوم محبت جاده سيدي،

سون سوزلريم حقين اراده سيدي،

محبتين رسالت وعده سيدي،

يوخسا منده بيركس ايله غرض يوخ،

سياست آدلي منده بير مرض يوخ.​

 

[fatemeh d]

حق نه ديير؟ كفره قارشي گئتمه يز.

نوردان چيخيب ظلمت ايچره ايتمه يز،

فيريلداغاا فرفراتك بيته يز،

گوردوزدهكي اولمادي كفرين ديبي،

پول دا وئرسه، آلماغاتيكميش جيبي.​

 

[fatemeh d]

شيطان بيزيم قبله ميزي چوندروب،

آللاه ديين يولدان بيزي دوندروب،

ايلانلي چشمه يه بيزي گوندروب،

منت قويوركي آرخنيز نهر اولوب،

بيز گورورك سولار بيزه زهر اولوب.​

 

[fatemeh d]

حيدر بابا، گيلئي ليكدن نه چيخار؟

ظلمون ائوين صبر و تحمل ييخار،

درويش اولان صبرين الين برك سيخار،

گل قاييداق، چيخاق آقا دوزونه،

كئچه ك گنه محبتين سوزونه.​

 

[fatemeh d]

دينه اوشاق بير – بيريله ساز اولسون،

بلكه بوقيش بيرده چونوب ياز اولسون،

چاي چمنلر اوردك اولسون، قاز اولسون،

بيزده باخيب فرحله نيب بير اوچاق،

سنيق – سالخاق قانادلاري بير آچاق.​

 

[fatemeh d]

بو باخچادان آلچالاري دررديك،

قيش آدينا چيخييب دامدا سررديك

هي ده چخيب يالاندان چوندررديك،

قيش زومارين يايدا يه ييب دويارديق

بير كلي ده منت خلقه قويارديق.​

 

[fatemeh d]

ائولرقالير، ائو صاحبي يوخ ئوزي

اوجاقلارين آنجاق ايشيلدير گوزي،

گئدنلرين آز – چوخ قاليبدير سوزي،

بيزدن ده بير سوز قالاجاق ، آي امان!

كيملر بيزدن سوز سالاجاق، آي امان!​