شعر کلیات اشعار ترکی شهریار

[fatemeh d]

كجاويله بو چايدان چوخ گچميشيك

بو چشمه دن سرين سولار ايچميشيك،

بو يونجاليقلاردا اكيپ بيچميشيك،

چپيشلري قيديخليان گونلريم؛

چيپش كيمي اويناخليان گونلريم!​

 

[fatemeh d]

خانم ننه م ناخوش اولان ايليدي،

قيش وارايكن كولك ايدي،يئل ايدي،

قيش داچيخدي، ياغيشيدي، سئليدي،

يوك-ياپيني هي چاتيردوق كه گئداخ!

سئل كوشگورور، مجبور اولدوخ قييداخ.​

 

[fatemeh d]

نيسان دوشدي،بيزده دوشدوخ ياغيشا،

هي دييردوخ، بلكه ياغيش ييغيشا،

كيم باشارير سئللرينن بوغوشا؟!

(بالا كيشي) ، فايتونچي ميز گلميشدي!

(اما ميه )ذقهوه سينده قالميششدي.​

 

[fatemeh d]

بو خرمنده«آردان خير» اوينار دوخ،

جومالاشيب،قاريشقاتك قايناردوخ،

يواش-يواش باغچالارا آغناردوخ،

آغاشلاردان چلينك آغاج كسردوخ،

قوروقچونون قورخوسسيندان اسردوخ!​

 

[fatemeh d]

بو باغچادا آش تره سي اكرديك،

هي سو آچيپ، كردييه گوزتيكرديك،

چيخماق همين دريب، آشا توكرديك.

فينتليش لر قاشيقلاردان آسلاني!

ياغلي دئسه م ، قوري آغزون ايسلاني!​

 

[fatemeh d]

مكتب قالير، اوشاقلار درس آليللار،

هي يازيللار، هي پوزيللار، ياليللار!

( ملا ابراهيم)، ئوزي-ائوي قاليللار،

اما بيزيم يولداشلاردان قالان يوخ!

بونلاردان بير بيزي ياداسالان يوخ!​

 

[fatemeh d]

بو مكتبده، شعرين شهدين دادميشام،

آخوندون آغزيندان قاپوب، اودموشام،

گاهدان دابير، آخوندي آللاتميشام،

باشيم آغريردييوب،قاچيپ گتميشم!

باغچالاردا گئديب، گوزدن ايتميشم!​

 

[fatemeh d]

آزاد اولاندا، مكتبدن چيخارديق،

هجوملا بير- بيريميزي سيخارديق،

يولدا هرنه گلدي، ووروبييخارديق،

اوشاق دئمه، ايپين قيرميش دانادئه!

بيردانا دا دئمه، اوتوزا دانا دئه!​

 

[fatemeh d]

دئديم: بالام،(اوممدسن) نولوبدي؟

معلوم اولان، طفيل بالا ئولوبدي؟

نه وار، نه وار، بورنوندان قان گلوبدي،

بير يئل اسير، باخيرسان(ممدسن)يوخ،

بوكتده بير بورون قاني كسه ن يوخ؟​

 

[fatemeh d]

(ملك نياز)، ايتگين گئديب يوخ اولوب.

(ميراصلان خان)، سكته ائديب ييخلوب.

هركس سينوب بيردمكده سيخيلوب،

چورك غمي چيخوب خلقين آيينا!

هره قاليب ئوز جاننين هايينا!​