شعر کلیات اشعار ترکی شهریار

[fatemeh d]

‫بیر سوْروشون بو قارقینمیش فلکدن‬


‫


‫نه ایستیوْر بو قوردوغى کلکدن ؟‬


‫


‫دینه گئچیرت اولدوزلارى الکدن‬


‫


‫قوْى تؤکوْلسوْن ، بو یئر اوْزى داغیلسین‬


‫


‫بو شیطانلیق قورقوسى بیر ییغیلسین‬

 

[fatemeh d]

‫بیر اوچئیدیم بو چیرپینان یئلینن‬


‫


‫باغلاشئیدیم داغدان آشان سئلینن‬


‫


‫آغلاشئیدیم اوزاق دوْشَن ائلینن‬


‫


‫بیر گؤرئیدیم آیریلیغى کیم سالدى‬


‫‬


‫اؤلکه میزده کیم قیریلدى ، کیم قالدى‬

 

[fatemeh d]

‫من سنون تک داغا سالدیم نَفَسى‬


‫


‫سنده قئیتر ، گوْیلره سال بو سَسى‬


‫


‫بایقوشوندا دار اوْلماسین قفسى‬


‫


‫بوردا بیر شئر داردا قالیب ، باغیریر‬


‫


‫مروّت سیز انسانلارى چاغیریر‬

 

[fatemeh d]

‫حیدربابا ، غیرت قانون قاینارکن‬


‫


‫قره قوشلار سنن قوْپوپ ، قالخارکن‬


‫


‫اوْ سیلدیریم داشلارینان اوْینارکن‬





‫قوْزان ، منیم همّتیمى اوْردا گؤر‬


‫


‫اوردان اَییل ، قامتیمى داردا گؤر‬

 

[fatemeh d]

‫حیدربابا . گئجه دورنا گئچنده‬


‫


‫کوْراوْغلونون گؤزى قارا سئچنده‬


‫


‫قیر آتینى مینیب ، کسیب ، بیچنده‬


‫


‫منده بوردان تئز مطلبه چاتمارام‬


‫


‫ایوز گلیب ، چاتمیونجان یاتمارام‬

 

[fatemeh d]

‫حیدربابا ، مرد اوْغوللار دوْغگینان‬


‫


‫نامردلرین بورونلارین اوْغگینان‬





‫گدیکلرده قوردلارى توت ، بوْغگینان‬


‫


‫قوْى قوزولار آیین-شایین اوْتلاسین‬


‫


‫قوْیونلارون قویروقلارین قاتلاسین‬

 

[fatemeh d]

‫حیدربابا ، سنوْن گؤیلوْن شاد اوْلسون‬


‫


‫دوْنیا وارکن ، آغزون دوْلى داد اوْلسون‬


‫


‫سنن گئچن تانیش اوْلسون ، یاد اوْلسون‬


‫


‫دینه منیم شاعر اوْغلوم شهریار‬


‫


‫بیر عمر دوْر غم اوْستوْنه غم قالار‬

 

[fatemeh d]

، حیدر ، بابا گلدیم سنی یؤخلیام

بیرده یاتام ، قوجا غوندا یوخلیام ،

عمری قووام ، بلکه بوردا حاخلیام ،

اوشا قلیغا دییه م ، بیزه گلسن بیر !

آیدین گنلر آغلا ریوزه گولسن بیر

 

[fatemeh d]

حیدر بابا ، چکدون منی گتیردون ،

یوردوموزا - یو وامیزا ، یئتردون .

یوسفوی اوشاقیکن ، ایتیردون .

قوجا یعقوب ایتمیشسمده ، تاپوبسان

قووالیوب قورد آغزیندان ، قاپوبسان

 

[fatemeh d]

بوردا دوشن کروان چاتوب ، کوچوبدی ،

آیر لیغین شربتینی ، ایچوبدی .

عمر موزون کوچی ، بودران کوچوبدی ،

کوچوب ، گئدوب ، گدر گلمز یوللارا !

توزی قونوب بود اشلارا ، کوللارا